Екипата на Алкалоид го забележа првиот пораз во шестото коло против тимот на Валеренга од Норвешка.

На првата табла, најдобриот кинески шахист и олимписки шампион од 2014 и 2018 година, Динг Лирен, ги водеше црните фигури против Светскиот шампион Магнус Карлсен од Норвешка. Во средишницата, насилниот светски шахист направи груба грешка и превиде пешак, по што беше принуден да се брани до крајот на партијата. Лирен во неколку моменти не одигра најпрецизни потези и не успеа да ја реализира големата предност по што партијата заврши со реми.

На втората табла Ју Јангји после отворањето се здоби со мала предност и пријатна позиција. По многу маневрирање, пополека ја зголемуваше својата предност и во завршницата освои фигура за два пешака. По долга борба исто како и Лирен не успеа да ја реализира материјалната предност и партијата заврши реми.

На третата табла Дмитри Адреикин се одлучи да игра оригинална позиција и го одбра не многу пополарното отворање Скандинавска одбрана. Во средишницата направи неколку грешки и дојде во послаба позиција. После многу поедноставувања влезе во позиција каде што имаше ловец и два пешака за топ, таму повторно не одигра најдобро и му дозволи на противникот да се активира по што мораше да ја предаде партијата.

На четвртата табла Јаковенко со бели фигури одигра непрецизно во отворањето и се здоби со послаба позиција. Несакајќи да превземе ризик по триесетиот потег понуди реми и партијата заврши нерешено.

На петтата табла Елјанов одигра Берлинска одбрана, каде што без проблеми ја изедначи позицијата и таа партија заврши со реми.

По овој минимален пораз од 2,5:3,5 екипата на Алкалоид во последното коло ќе игра против израелскиот тим Беер Шева. Со победа ШК Алкалоид ќе влезе во борбата за медал.